Atdhe Nuhiu - GOL - ( UEFA-U21 03.09.2008: Germany U21 - Austria U21 4-2 )

Ne kete ndeshje zyrtare te Atdhe Nuhiu me Shpresat austriake ai ka shenuar golin e pare ne minuten e 18. Sulmuesi 20 vjecar, "gjigandi" me gjatesi 1,97cm luan me SK Austria Kärnten ne Kat. e Pare austriake.

Labinot Harbuzi - GOL - ( TUR-1 30.08.2009: Kasimpasa - Genclerbirligi 0-4 )

Kosovari 23 vjecar Labinot Harbuzi ka shenuar golin e tij te pare ne ndeshjen e trete te tij ne Kampionatin Turk te Kategorise se Pare . Mesfushori sulmues i Genclerbirligi realizoi ne minuten e 20 nje gol te bukur kur shmangu mjaft bukur 2 mbrojtes kundershtar dhe duke e kaluar topin nga kembet e nje tjetri. Harbuzi deri ne muajin Qershor 2009 eshte aktivizuar me Suedine U21.




falenderoj O.P. per gjetjen e videos

Lorik Cana - ( ENG-1 29.08.2009: Stoke City - Sunderland 1-0 )

Cana, njeriu i ndeshjes edhe në humbje

Edhe pse skuadra e tij ka pësuar humbjen e dytë në katër javët e parë të Premier
League, Lorik Cana vazhdon të rikonfirmojë formën e tij të shkëlqyer në këtë fillim sezoni.
Sandërlendi u mund të shtunën me rezultatin 1-0 në ndeshjen e luajtur në transfertë
ndaj Stoke Sitit. Por performanca e mesfushorit shqiptar ka bërë për vete edhe
specialistët e të përditshmes britanike "The Times", sipas të cilëve, Cana ishte lojtar më i mirë në fushë për të dy ekipet dhe e kanë vlerësuar njëkohësisht edhe me notën 8, më të lartë për këtë ndeshje.
Ndërsa e përjavshmja "Sunday Sun" thekson se, emërimi i tij kapiten i Sandërlendin është mirëpritur edhe nga tifozët e "Maceve të Zeza" të Anglisë, të cilët, pas vetëm 4 ndeshjesh, e shikojnë shqiptarin si një idhull të tyre.

Erjon Bogdani - GOL - ( ITA-1 30.08.2009: Chievo 1 - 2 Lazio )

Castet me te mira te ndeshjes Chievo - Lazio 1-2 (Itali,Seria A) ku luajti dhe Erjon Bogdani.


-----------------------------------

Migjen Basha ( ITA-2 29.08.2009: Frosinone - Mantova 1-0 )

Edgar Cani - GOL - ( ITA-2 29.08.2009: Reggina – Padova 1-1 )

Cani: I kënaqur që shënova për Padovan

Edgar Cani fiton zemrën e Padovës, skuadrës së tij të re në Serinë B, ku është huazuar nga Palermo pak ditë para fillimit të kampionatit italian të futbollit. Sulmuesi i ri shqiptar është zgjedhur si lojtari më i mirë në takimin e barazuar
1-1 në Rexhio-Kalabria mes Rexhinës dhe Padovas. Pas ndeshjes ka qenë më i kërkuari
nga gazetarët, të cilëve u është përgjigjur i shoqëruar së bashku me trajnerin e tij, Sabatini. Në prononcimin e tij është treguar i kënaqur por edhe i ekuilibruar.
"Ishte një ndeshje shumë e bukur, shprehet Cani. Të marrësh pikë në Rexhio është e bukur dhe jam i kënaqur që shënova që në ndeshjen e dytë më bluzën e Padovas. Pika e marrë është e merituar, ditëm të neutralizojmë mirë Rexhinën, duke i lënë sa
më pak hapësirë në aksione për të shënuar. Ndërsa ne krijuam shumë, mbi të gjitha në pjesën e parë, duke vënë në vështirësi disa herë mbrojtjen e tyre. Për më shumë, duhet të kërkojmë të jemi kërkues dhe konkretë në sulm. Mund të kisha shënuar edhe një gol me kokë". Bomberi nga Tirana ka treguar përgatitje të mirë teknike, por edhe forcë të madhe fizike. Ka kombinuar mirë me dy sulmuesit e tjerë Di Nardo e Andrea Soncin. "Fizikisht nuk jam në 100%, thotë Cani, por ndihem mirë". Tashmë ai ka bërë
të ëndërrojnë tifozët e Padovas.

Migjen Basha - GOL - ( ITA-2 21.08.2009: Salernitana – Frosinone 1-2 )

Migjen Basha gol në Serie B, Frosinone fitoi

Frosinone luajti me plotë angazhim në fushë dhe goli i shqiptarit me nënshtetësi zvicerane i kreu punë të madhe për t'u kthyer me gjah të plotë nga Salernitana.

Futbollisti Migjen Basha, shqiptar i lindur në Lozanë të Zvicrës, në mënyrën më të shkëlqyeshme e ka nisur karrierën e tij në Serie B të Italisë. Basha është kreator i fitores së Frosinones me rezultat 2:1 dhe atë si mysafirë ndaj skuadrës Salernitana. Ky futbollist nuk ka më shumë se 22 vjet, qysh në nismë të Serie B shënoi gol dhe ia solli tre pikë skuadrës Frosinone nga një udhëtim shumë i vështirë ndaj një skuadre që vështirë mposhtej në fushë të veten siç është Salernitana. Loja e mrekullueshme e Bashës bëri që në minutën e 44-të të shtoi epërsinë e skuadrës së tij në 2:0. Frosinone luajti me plotë angazhim në fushë dhe goli i shqiptarit me nënshtetësi zvicerane i kreu punë të madhe për t'u kthyer me gjah të plotë nga Salernitana. Basha një futbollist që shumë shpejt do të ngjitet edhe në maje të futbollit italian për shkak se ka një talent të pashoq dhe një mesfushorë i palodhur në fushë. Fitorja e Frosinones është fryt i Bashës, që bëri një nismë të mbarë jo vetëm të tij, por edhe të skuadrës. Golat të tjerë i shënuan Santoruvo 34-të për Frosinonen dhe Caputo 81-të për Salernitanën. Kjo fitore në hapje të kampionatit në mesin e 20 skuadrave italiane të Serie B e radhit në vendin e pestë më tri pikë të tubuara.